သေခါနီးမှာဘာအရေးကြီးဆုံးလဲ

နောက်ဆုံးသေခါနီးမှာပြုလုပ်သောကုသိုလ်သည် အဘယ့်ကြောင့်အရင်အကျိုးပေး သလဲဆိုရင် သေခါနီးပုဂ္ဂိုလ်ရဲ့စိတ်သည် ယုံကြည်မှုအပြည့်နဲ့ပြုလုပ်တဲ့အတွက်ကြောင့် ဖြစ်ပါတယ်။ ထို့ပြင် သဘာဝတရားနဲ့ကြည့်မယ်ဆိုရင်လည်း နောက်မှလုပ်တဲ့အလုပ်သည် အရင်အကျိုးပေးတတ်တဲ့ သဘောကြောင့်လည်း ပါပါတယ်။           ဥပမာ-နွားခြံထဲမှာ နွားသွင်းတဲ့အခါ ငယ်ရွယ်ပြီးခွန်အားရှိသော နွားကလေးများသည် အိုမင်းရင့်ရော်နေသော နွားကြီးများကို တိုးဝှေ့၍ ရှေ့ကနေ အရင်ဝင်နေကြသောအခါ နွားအိုကြီးများသည် နောက်ဆုံးမှဝင်ရသောကြောင့် နွားခြံတံခါးဝ၌သာ နေရာရတတ်ပါတယ်။ သို့သော် နွားခြံအပြင်သို့ ထွက်ရသောအခါ နောက်မှဝင်ရသော နွားအိုကြီးများက အရင်ထွက်ကြရပါတယ်။
အဲဒီဥပမာလိုပဲ နောက်ဆုံးသေခါနီးမှလုပ်သောကုသိုလ်သည် သေခါနီးဘ၀ဟောင်းမှ ဘ၀သစ်သို့ ပြောင်းလဲတော့မည့် အနာဂတ်ဘ၀သစ်တွင် သေခါနီးမှလုပ်သော ကုသိုလ်က အရင်အကျိုးပေးလိုက်တာပါ။ ဒီသဘောတရားကို သိထားပြီးဆိုလျှင် အယူမှားခြင်း သံသယဖြစ်ခြင်းများ ကင်းဝေပါလိမ့်မယ်။
          တစ်ချို့က အဖေမုဆိုးသားသတ်သမားကြီးကို သားဖြစ်သူရဟန္တာက ကောင်းမှုလုပ်ပေး၍ မုဆိုးကြီးနတ်ပြည်ရောက်သွားသည့် တရားဇာတ်လမ်းတစ်ခုကို ဖတ်ကာ သံသယဖြစ်နေကြတာ တွေ့ရပါတယ်။ မုဆိုးကြီးသည် သေခါနီး(၁)လလောက် အလိုမှ သားဖြစ်သူရဟန္တာမထေရ်ထံ ရောက်လာပြီး ရဟန်းဝတ်ကာ တရားအားထုတ်ခဲ့ပါတယ်။ သေခါနီးနောင်တတရားရ၍ တရားအားထုတ်သော်လည်း သူလုပ်ခဲ့အကုသိုလ်တွေက များသောကြောင့် အဲဒီအကုသိုလ်တွေကိုပဲ စိတ်ကအာရုံရောက်ပြီး အကုသိုလ်တရားများက သူကိုလာခြောက်နေသလို ဖြစ်နေသောကြောင့် မုဆိုးရဟန်းကြီးဟာ တရားအားထုတ်လို့ မရရှာပါဘူး။
          ဒီလိုနဲ့ သေခါနီးလည်းရောက်ရော မုဆိုးကြီးဟာ မကောင်းတဲ့နိမိတ်ဖြစ်တဲ့ ခွေးဆွဲတာတွေ ခွေးကြီးတွေလိုက်နေတာတွေမြင်ပြီး အော်ဟစ်နေပါတယ်။ အဲဒီအခါမှာ သားဖြစ်သူရဟန်းက အင်း-ငါ့ခမည်းတော်တော့ သူလုပ်ခဲ့သောမကောင်းတဲ့ အကုသိုလ်တွေကြောင့် မကောင်းတဲ့နိမိတ်တွေမြင်ကာ အပါယ်ကိုသွားရတော့မှာပဲ။ ငါလို သားရဟန်းတစ်ပါးရှေ့မှာ ဒီလိုမကောင်းတဲ့နိမိတ်တွေမြင်ပြီး အပါယ်ကိုမသွားရအောင် ငါလုပ်ပေးမှဖြစ်မယ်ဆိုပြီး သားရဟန်းက သူဖခင်မုဆိုးကြီးကို စေတီရင်ပေါ်သို့မရွေ့၍ ပန်းများရှာပြီး ဖခင် ဒီပန်းများသည် ဖခင်အတွက် ပူဇော်ပေးခြင်းဖြစ်တယ်။ ဖခင် ပန်းများကို မြတ်ဗုဒ္ဓအား ပူဇော်နေတယ်လို့ အာရုံပြုပေးပါဟု ပြောလိုက်သောအခါ မုဆိုးကြီးသည် သားဖြစ်သူပြောတာကို အာရုံစိုက်၍ ပန်းများဖြင့် မြတ်ဗုဒ္ဓအား ပူဇော်ပါတယ်လို့ စိတ်ထဲမှာ အာရုံပြုလုပ်တဲ့အတွက်ကြောင့် ကုသိုလ်စိတ်ဖြစ်ကာ နတ်ပြည်မှ နတ်သမီးလာခေါ်တဲ့ ကောင်းတဲ့နိမိတ်ကိုမြင်ပြီးလျှင် ကောင်းသောနတ်ပြည်သို့ နတ်သားသွားဖြစ်ပါတယ်။
          ခဏတာဘုရားလှူတဲ့ အာရုံလေးပြုမိတာနဲ့ ကောင်းတဲ့နတ်ပြည်ကိုရောက်သွားတဲ့ မုဆိုးကြီးကိုကြည့်ပြီး လူတစ်ချို့က ကောင်းကံ မကောင်းကံတို့ရဲ့ အကျိုးပေးကို သံသယမရှင်း ဖြစ်နေကြပါတယ်။ အဲဒါကို ရှင်းပြပေးချင်လို့လည်း ဒီပို့စ်ကို ပြီးအောင် ရေးလိုက်တာပါ။ တကယ်တော့ မုဆိုးကြီးဟာ နောက်ဆုံးပြုလုပ်တဲ့ ကောင်းမှုကံလေးကြောင့် နတ်ပြည်ကိုရောက်သွားတာ မှန်ပါတယ်။ ဒါဟာလည်း အထက်က နွားခြံဥပမာလို သဘာဝတရားအတိုင်း ဘ၀တစ်ခုရဲ့နောက်ဆုံးကုသိုလ်က အရင်အကျိုးပေးလိုက်လို့ပါ။
          မုဆိုးကြီးနတ်ပြည်ရောက်သွားပေမဲ့လည်း နတ်ပြည်မှာ ကြာကြာအသက်ရှည်ဖို့ စိမ်းစိမ်ချမ်းသာပြည့်စုံဖို့အတွက် သူ့မှာမရှိပါဘူး။ ခဏနေပြီးရင် သူ့ဟာနတ်သက်ကြွေရမှာပါ။ နတ်သားတွေရဲ့ သက်တမ်းဟာ ပုံမှန်ရှိသော်လည်း လျှပ်တပြတ်သေနိုင်တဲ့ အကြောင်းတွေလည်းရှိပါတယ်။ ဥပမာ-နတ်စာစားရမဲ့ချိန် မစားလျှင်၊ နတ်ပန်းညိုလာလျှင်၊ နတ်ပြည်မှာ ပျော်မွေ့မှုမရှိလာလျှင် နတ်တွေဟာ နတ်သက်ကြွေကြပါတယ်။
          သားဖြစ်သူရဟန်းသည် သူ့ဖခင်ဟာ သူနောက်ဆုံးလုပ်ပေးတဲ့ ကုသိုလ်ကံ ကြောင့်သာ နတ်ပြည်ရောက်တာ၊ မကြာခင်နတ်သက်ကြွေတော့မှာဆိုတာကိုသိလို့ သူ့ဖခင်ရှိရာ နတ်ပြည်သို့သွားကာ တရားဟောပေးပါတယ်။ သားဖြစ်သူရဲ့တရားကို နာကြားရလိုက်တဲ့အခါ မုဆိုးကြီးဟာ သောတာပန်အရိယာဖြစ်သွားပါတယ်။
အပိုင်း(၂)ပို့စ်မှပါတဲ့ နတ်သားသည် ဂတိနိမိတ်(၃)မျိုးတွင် ဘယ်နိမိတ်ထင်တယ်ဆိုတာကို မရှင်းမလင်းဖြစ်နေသူများအတွက် အဲဒီနတ်သားသည် တရားအားထုတ်နေချိန်တွင် ထွက်သက်ဝင်သက်သော်လည်းကောင်း ခန္ဓာကိုယ်ကြီးရဲ့ အနိစ္စ၊ ဒုက္ခ၊ အနတ္တသဘောတရားများကိုလည်းကောင်း ရှု့မှတ်သော ၀ိပဿနာကုသိုလ်ကို အာရုံပြုနေသော ကုသိုလ်ကံနိမိတ်ထင်လျက် ဘ၀ပြောင်းသွားခြင်း ဖြစ်ပါတယ်။
         အပိုင်း(၃)၌ စာရေးသူအား ကော်မန်းပေးရာတွင် တစ်ချို့ အယူမှားနေသောသူများက (အရှင်ဘုရားဘလော့မှာ ဖတ်ရတာက ရခဲတဲ့လူ့ဘဝကို ယခုရနေခြင်းကြောင့် ယခုဘ၀အတွက် အဓိကမထားဘဲ နောက်ဘ၀များစွာအတွက် အဓိကထားလုပ်ရမယ်လို့ ရေးထားပါတယ်ဘုရား။ နောက်ဘဝ ကောင်းစားဖို့အတွက် ဒီဘဝမှာ ကောင်းမှုကုသိုလ်တွေ လုပ်သင့်တယ်လို့ ဖတ်ရပါတယ်။ တပည့်တော်တွေးတာကတော့ နောက်ဘဝက လူဖြစ်ဖို့တောင် မသေချာဘူး။ အဲတော့ လူဖြစ်တုံးလေး ကိုယ်နေချင်သလို နေလိုက်မယ်လို့ စဉ်းစားထားပါတယ်ဘုရား)လို့ ရေးလာကြတာ တွေ့ရပါတယ်။ အဲဒီလို အယူတစ်မျိုးဖြစ်နေသူများအား စာရေးသူပြောချင်သည်မှာ
          လူ့ဘ၀ကို ကောင်းမှုကုသိုလ်လုပ်တဲ့ပုဂ္ဂိုလ်ဟာ ပြန်လည်ရရှိနိုင်ပါတယ်။ ဒီဘ၀ပဲ ပျော်အောင်နေတော့မယ်လို့ စိတ်ကူးထားပြီး ကောင်းမှုများမလုပ်ဘဲ မကောင်းမှုများကိုပဲလုပ်တာကမှ အပါယ်လေးပါးမှလွတ်ဖို့ ခဲယဉ်းသွားပါမယ်။ လူ့ဘ၀မှာ ဒါနရော သီလရော ၀ိပဿနာပါလုပ်မယ်ဆိုရင် လူ့ဘ၀ကိုရဖို့က အလွယ်လေးပါ။ မိမိမှာသာ အယူမှားခြင်း၊ အမိသတ်၊ အဖသတ်၊ ဘုရားပြစ်မှား၊ ရဟန္တာကို သတ်တာ စော်ကားတာ၊ ရဟန်းတွေသင်းကွဲအောင်လုပ်တာဆိုတဲ့ ကုသိုလ်ဖြင့် ချေဖျောက်လို့မရသော ဒီအပြစ်တွေမရှိဘူးဆိုရင် ဒီဘ၀နဲ့ နိဗ္ဗာန်ရောက်အောင်ထိ လုပ်လို့ရပါတယ်။ ကျန်တဲ့ လူ့ပြည် နတ်ပြည်ဆိုတာကတော့ ပိုတောင် လွယ်ပါသေးတယ်။ တကယ်လို့ မိမိသည် အရင်က မသိတတ်နားမလည်လို့ဖြစ်စေ၊ နားလည်ပြီး မိုက်မဲခဲ့လို့ဖြစ်စေ မကောင်းမှုများ လုပ်မိခဲ့သည်ရှိသော် ထိုမကောင်းမှုများကို မိမိသိတတ်နားလည်ချိန်၊ တရားသဘောသိချိန်တွင် ကောင်းမှုလုပ်ကာ ချေဖျက်ရင် ရပါတယ်။ ရေများရေနိုင် မီးများ မီးနိုင်ဆိုသလို မကောင်းမှုရှိခဲ့လျှင် အဲဒီမကောင်းမှုထက် ကောင်းမှုများအောင် လုပ်ပေးလျှင် ရပါတယ်။
           အထက်ဖော်ပြခဲ့ပါ မုဆိုးကြီးသည်လည်း မကောင်းမှုများလုပ်ခဲ့ပါတယ်။ သို့သော် သူလုပ်ခဲ့သောမကောင်းမှုများသည် အပြစ်ကြီးမားပြီး ချေဖျက်လို့မရသော အပြစ်များမဟုတ်၍ ရိုးရိုးအပြစ်များကို အရိယာမဂ်ဖြင့် ပယ်သတ်ခဲ့ခြင်း ဖြစ်ပါတယ်။
         ထို့ကြောင့် မိမိတို့လူသားများသည်လည်း အထက်ဖော်ပြပါ ချေဖျက်လို့မရသော အပြစ်(၆)မျိုး မရှိပါက ၀ိပဿနာအားထုတ်ခြင်းဖြင့် ရိုးရိုးအကုသိုလ်များကို ချေဖျက်လို့ ရပါတယ်။ သို့ဖြစ်၍ ရခဲလှသော ဘုရားသာသနာ၊ လူ့ဘ၀၊ ဗုဒ္ဓအသိဉာဏ်ရှိချိန်၊ အသက်ရှင်စဉ်လေးမှာ ဒီဘ၀လေးခဏတာ ကောင်းစားရေးကိုကြည့်ပြီး မကောင်းမှုများကို မလုပ်ဘဲ ကောင်းမှုများကိုသာ အဓိကထားလုပ်ကာ အအေးချမ်းဆုံးဖြစ်သော နိဗ္ဗာန်ကိုလျင်မြန်စွာရရှိအောင် ဆောင်ရွက်နိုင်ကြပါစေလို့ ဆုတောင်းရင်း ဤမျှနဲ့ပဲ နိဂုံးချုပ်ရင်း နှုတ်ဆက်ခဲ့ပါတယ်။

ဘာကြောင့်ကြယ်တံခွန်မှာအမြီးတန်းရှိနေတာလဲ ?

ဘာကြောင့်ကြယ်တံခွန်မှာအမြီးတန်းရှိနေတာလဲ ?
ကြယ်တံခွန်ဆိုတာကီလိုမီတာအနည်းငယ်ပဲထူထဲတဲ့ကျောက်သားအကြေအမွတွေ၊ရေခဲအကြေအမွ
တွေဖွဲ့စည်းထားတဲ့ကိုယ်ထည်ကြီးဖြစ်တယ်။သူကနေနဲ့အနီးကိုရောက်လာတဲ့အခါမှာပူလာတယ်။ရေ
ခဲတွေကဓာတ်ငွေ့တွေ အဖြစ်ပြောင်းလဲသွားတယ်။ဖုန့်မှုန့်အပိုင်းအစတွေကိုအာကာသထဲဆွဲထုတ်ပစ်
ထယ်။နေမှပျံထွက်လာတဲ့အမှုန်လေးတွေစုထားတဲ့တိမ်တိုက်တွေဟာ(အာကာသထဲရှိလေကြောင့်)
သူ့ဓာတ်ငွေ့တွေကိုနောက် ဘက်တွန်းထုတ်ပြီးဖုန်မှုန့်တွေနဲ့အမြီးတန်းအဖြစ်ဖွဲ့စည်းထားလိုက်ပါတယ်။
နေရဲ့အနားကဖြတ်ပျံနေစဉ်မှာအဲဒီဥက္ကာခဲရဲ့အမြီးတန်းကသိပ်လှတယ်။အလှဆုံးပဲ၊အမြီးတန်းက်ီလို
မီတာသန်းနဲ့ချီပြီးရှည်လျားနိုင်တယ်။တစ်ချို့အမြီးတန်းတွေကသ်ိပ်ကိုပါးလွှာတယ်။ဥပမာအားဖြင့်ကမ္ဘာ့
အနီးမှဘေးဒုက္ခမပေးဘဲဖြတ်ပျံသွားတဲ့ဟေလီကြယ်တံခွန်ရဲ့အမြီးဟာသိပ်ကိုပါးလှပ်ပါတယ်
_____________________________________________________________________
ပင်လယ်ဟာဘယ်လောက်နက်သလဲ ?

ပစိဖိတ်သမုဒ္ဒရာဟာ အန်ိမ့်ဆုံးအနက် (၄၀၅၀)မီတာနဲ့ အမြင့်ဆုံးအနက် (၁၁၀၃၀)မီတာရှိပြီး အနက်ဆုံး
ဖြစ်တယ်။ နောက်တစ်ခုဖြစ်တဲ့အိန္ဒိယသမုဒ္ဒရာဟာအနိမ့်ဆုံး (၃၉၀၀)မီတာနဲ့အမြင့်ဆုံးအနက် (၉၂၀၀)မီ
တာရှိတယ်။အတ္တလန်တိတ်သမုဒ္ဒရာကတော့အနိမ့်ဆုံးအနက်(၃၃၀၀)မီတာနဲ့အမြင့်ဆုံးအနက် (၉၂၀၀)မီ
တာ၊ အာတိတ်သမုဒ္ဒရာကတော့ အနိမ့်ဆုံးအမြင့်ဆုံးအနက် (၅၅၀၀)မီတာရှိပြီး မြေထဲပင်လယ်ကအများ
ဆုံးအနက် (၅၁၂၀)မီတာနဲ့ အနည်းဆုံးက (၁၀၀၀)မီတာရှိတယ်။ ပင်လယ်နက်အစုအဝေးရဲ့အောက်ခြေ
ကဘောလ်တစ်ဖြစ်ပြီးအနည်းဆုံးအနက်က (၄၆၀)မီတာရှိပြီးမြောက်ဘက်ပင်လယ်ကတော့(၉၁-၁၀၀)မီ
တာနက်တယ်။
_____________________________________________________________________
သက်တန့်ဘာကြောင့်ဖြစ်ရတာလဲ ?

သက်တန့်တွေကိုညမှာမမြင်ရဘူးဆိုတာသင်သတိထားမိလိမ့်မယ်။တိမ်ထူတဲ့နေ့တွေနဲ့မိုးရွာနေတဲ့
အခါမှာလည်းသူတို့ကိုသင်မမြင်ရဘူး။မိုးရွာပြီးကြည်လင်သွားသည့်အခါတွေနဲ့နေပူတုန်းမိုးရွာနေတဲ့
အချိန်အတွင်းမှာသက်တန့်တွေပေါ်ပေါက် လာတယ်။ရေထဲမှာရှိတဲ့ရေစက်ကလေးတွေကိုနေရောင်
ခြည်အလင်းပြန်တဲ့အခါတွေမှာသက်တန့်ကိုတွေ့နိုင်သည်။
_____________________________________________________________________
လျှို့ဝှက်စာရေးနည်းပညာ ဆိုတာဘာလဲ ?

လျှို့ဝှက်စာရေး နည်းပညာဆိုတာ စာလုံးတွေ စီရမယ့်နေရာမှာ ကိန်းဂဏန်းတွေကိုအသုံးပြုပြီး လျှို့
ဝှက်စာတမ်းတစ်စောင်ရေးဖွဲ့တဲ့ အနုပညာတရပ်ဖြစ်တယ်။ အက္ခရာစာလုံး အသီးသီး အတွက် သီးခြားအ
ထူးပြုစီမံထားတဲ့ ကိန်းဂဏန်းတွေပေးထားပြီး စကားဝှက်စာတစ်စောင်ရေးဖွဲ့ရပါတယ်။ ဒီလျှို့ဝှက်သင်္ကေ
တကို ဆိုက်ဘာစကားဝှက်လို့ခေါ်ပါတယ်။ စကားဝှက်ပုံစံနှစ်မျိုးရှိတယ်။ သတင်းပေးပို့လွှာမှာပါတဲ့ စာလုံး
အသီးသီးအတွက် ကိန်းဂဏန်း၊ စာလုံးသင်္ကေတ တစ်မျိုးမျိုးနဲ့ အစားထိုးရေးသားခြင်းမျိုးလည်း ရှိတယ်။
ဒုတိယအမျိုးအစားကတော့ သတင်းလွှာမှာပါတဲ့ စာလုံး လေးတွေကို နေရာအထား အသို အစီအစဉ်များ
ပြောင်းလဲပစ်ခြင်းများဖြစ်ပါသည်။ဒီင်္လိုနည်းလမ်းနှစ်သွယ်ကိုအသုံးပြုတဲ့အခါနည်းမျိုးစုံအသုံးပြုကြတယ်။
ပေးပို့သူနဲ့ လက်ခံသူနှစ်ဦးစလုံးမှာ သင်္ကေတနဲ့လျှို့ဝှက်ချက်ကို ဖော်ထုတ်နိုင်မယ့် သင်္ကေတ အညွှန်းစာ
အုပ် ကိုယ်စီရှိကြတယ်။
_____________________________________________________________________
ကမ္ဘာ့ပထမဆုံး လေကြောင်းလိုင်းကဘာလဲ

KLM (Kiss Me, Leave Me, Miss Me) သည် ကမ္ဘာ့ပထမဆုံး စီးပွားဖြစ်လုပ်ကိုင်လေကြောင်းလိုင်း
ဖြစ်ပြီး လွန်ခဲ့သောနှစ်ပေါင်း ၈၀ကျော်ကတည်းကပြေးဆွဲခဲ့ခြင်းဖြစ်သည်။ ၎င်းကိုနယ်သာလန်နိုင်ငံမှ ဒက်ခ်ျ
လူမျိုး လေယာဉ်မှူး အဲလဘတ်ပလီစ်မန်းက စတင်ခဲ့ခြင်းဖြစ်သည်။အဲလဘတ်သည်KLMလေကြောင်းလိုင်း
ကို တည်ထောင်ခဲ့ပြီး ၁၉၅၃ ခုနှစ်တိုင်အောင် KLM၏ဥက္ကဋ္ဌအဖြစ်ဆောင်ရွက်ခဲ့သည်။ယနေ့ခေတ်တွင်တိုက်
ကြီးငါးတိုက်မှ မြို့တော်ပေါင်း ၁၄၀၀ကျော်တွင် KLMလေကြောင်းလိုင်း၏ကွန်ယက်များဖြန့်ကျုက်ထားပြီဖြစ်
သည် ဟု 7 Day News ဂျာနယ်တွင်ဖော်ပြထားပါသည်။
_____________________________________________________________________
အင်းတော်ကြီးဘာကြောင့်ကမ္ဘာကျော်တာလဲ ?

ကချင်ပြည်နယ်မြစ်ကြီးနားခရိုင်မိုးကောင်းနယ်အတွင်းတည်ရှိသည်။မြန်မာနိုင်ငံ၏အကြီးဆုံးသောသဘာဝ
အင်းကြီးဖြစ်သည်။တောင်နှင့်မြောက်အလျား(၁၆)မိုင်ရှိသည်။
မိုးရာသီအချိန်တွင်အနောက်ဘက်ကမ်းရှိလုံးတုံနှင်အရှေ့ဘက်ကမ်းရှိဟဲမုရွာအကြားရေပြင်အကျယ်ဆုံးဖြစ်
သည်။အနံခုနှစ်မိုင်ကျယ်ဝန်းသည်။ရေပြင်ကြီးသက်သက်အကျယ်အ၀န်းသည်(၄၄.၉)စတုရန်းမိုင်ရှိသည်။
အင်းတော်ကြီးအိုင်အတွင်းအမှိုက်ဒိုက်သရိုက်ကင်းစင်သည်။ရေကြည်လင်သည်။ရေပြင်ကျယ်ကြီးသည်
ပင်လယ်ပြင်တမျှရှုမဆုံးအောင်လှပသည်။အင်းတော်ကြီး၏အလယ်အင်းစွယ်တစ်ခုပေါ်တွင်ရွှေမဉ္ဖူစေတီ
တော်တည်ထားသည်။ အင်းတော်ကြီးသည်ပတ်ပတ်လည်၌တောင်ရိုးတောင်စွယ်များဝိုင်းရံထားသည့်
ချိုင့်ဝှမ်းကြီးဖြစ်သည်။ရွှေမဉ္ဖူစေတီသည်ကချင်ပြည်နယ်၏အဓိကရစေတီတော်ကြီးဖြစ်သည်။တပေါင်းလဆန်း ဘု
ုရားပွဲတော်ကျင်းပချိန်နီးကပ်လာလျှင်ဘုရားစေတီအရောက်လူလျှောက်သွားနိုင်ရန်သဲလမ်းမကြီးနှစ်လမ်းပေါ်
လာတတ်သည်။ ဘုရားပွဲတော်ပြီးသည့်အခါသဲလမ်းများရေထဲပြန်မြုပ်သွားတတ်သည်။
_____________________________________________________________________
အိုလံပစ်ပွဲတော်များဘယ်အချိန်က စတင်ခဲ့သလဲ ?

ခရစ်တော်မပေါ်မီ(၇၇၆)ခုနှစ်မှစ၍ဂရိလူမျိုးများသည်အိုလံပစ်ပွဲတော်များကိုလေးနှစ်တစ်ကြိ်မ်
ကျင်းပခဲ့သည်။ထိုအချိန်တွင် zeus နတ်ဘုရားကိုပူဇော်ရန်ပန်းချီပညာရှင်များစာရေးဆရာများ၊
အားကစားသမားများစုဝေးရောက်ရှိတတ်သည်။အိုလံပစ်ပွဲဟုကျော်ကြားလာခဲ့သည်။ပထမဦးဆုံး
အိုလံပစ်ပြိုင်ပွဲများသည်အားကစားသက်သက်မဟုတ်ချေ၊ပြဇာတ်များကကြသည်၊ကဗျာများရွတ်
ကြသည်။ ပြေးပွဲများကျင်းပကြသည်။ဂရိလူမျိုးများအတွက်အိုလံပစ်ပြိုင်ပွဲများသည်စိတ်နှင့်ရုပ်
ပေါင်းစပ်မှုကိုဖော်ပြပြီး zeus နတ်ဘုရားထံအောင်ပွဲဆုတောင်းခံနိုင်သည်ဟုယူဆသည်။အိုလံ
ပစ်ပွဲတော်များကို(၃)ရက်ကြာမျှကျင်းပခဲ့သည်။အားကစားသမားများသည်အပြေးပြိုင်ကြ၊လှည်း
မောင်းပြိုင်ကြသည်။ပွဲတော်မစမီကျမ်းသစ္စာကျိန်ရသည်။ပြိုင်ပွဲများအပြီးတွင်ဆုပေးပွဲများစား
သောက်ပွဲများကျင်းပတတ်ကြသည်။

_____________________________________________________________________
အင်းလေးကန်ကြီးဘာကြောင့်ကမ္ဘာကျော်ရသလဲ ?

ရှမ်းပြည်နယ်တောင်ပိုင်း၊ညောင်ရွှေနယ်တွင်တည်ရှိသည်။မြစ်ကြီးနားခရိုင်ရှိအင်းတောင်ကြီးမှလွဲလျှင်
မြန်မာနိုင်ငံမှဒုတိယအကြီးဆုံးသောသဘာဝအင်းအိုင်ကြီးဖြစ်သည်။တောင်နှင့်မြောက်တန်းလျက်ရှိသော
တောင်တန်းကြီး(၂)ခုကြားတွင်ခွက်ဝင်နေသောညောင်ရွှေချိုင့်ဝှမ်းကြီး၏အလယ်အနက်ရှိုင်းဆုံးအပိုင်း၌
တည်ရှိသည်။
အင်းလေးတည်ရာအရပ် သည်ပင်လယ်ရေမျက်နှာပြင်အထက်ပေ(၂၉၀၀)ကျော်မြင့်သည်။
အင်းလေးသည်တောင်ပေါ်အင်းအိုင်ကြီးတစ်ခုဖြစ်သည်။တောင်ရိုးတောင်တန်းများဝန်းရံလျက်ကြည်လင်
ပြာလဲ့သောရေပြင်ကျယ်ကြီးဖြစ်သောကြောင့်မြန်မာနိုင်ငံတွင်သာမကကမ္ဘာတွင်ပါကျော်ကြားသည်။အင်း
လေးသည်တောင်နှင့်မြောက်အလျားကိုးမိုင်ခန့်ရှည်သည်။အကျယ်ဆုံးနေရာ၌အရှေ့နှင့်အနောက်သုံးမိုင်ခွဲ
ခန့်ရှိသည်။ရှေးအခါကအင်းလေးကန်ကြီး၏အကျယ်အ၀န်းသည်စတုရန်းမိင်(၁၉၀)ခန့်ရှိမည်ဟုခန့်မှန်းရ
သည်။အင်းလေးရေပြင်ပေါ်တွင်ရွာကြီး၊ရွာငယ်များတည်ဆောက်ထားသည်။တစ်နေရာမှတစ်နေရာသို့လှေ
များ၊စက်လှေများဖြင့်သွားလာကြသည်။လှေကိုခြေဖြင့်လှော်ခတ်သည်။အင်းလေးဒေသနန်ဟူးရွာရှိဖောင်
တော်ဦးဘုရားသည်ထင်းရှားသည်။
_____________________________________________________________________
ငပလီလို့ဘာကြောင့်ခေါ်တာလဲ ?

အပန်းဖြေစခန်းအဖြစ်ထင်ရှားသည်။ရခိုင်ပြည်နယ်၊သံတွဲမြို့နှင့်လေးမိုင်လောက်သာဝေးကွာသည်။
မဇင်းလေဆိပ်သည်သံတွဲမြို့နှင့်ခုနှစ်မိုင်ခန့်ဝေးသည်။ငပလီကမ်းခြေစခန်းသည်ရွာကလေးဖြစ်သည်။
မဇင်းလေဆိပ်မှ(၂)မိုင်မျှသာဝေးသည်။ငပလီသည်မြန်မာစကားမဟုတ်ပေ။အီတလီလူမျိုးတို့သည်
သံတွဲမြို့အနီးယခုငပလီစခန်းသို့ရောက်လာကြသည်။ငပလီစခန်းနေရာသည်အီတလီနိုင်ငံရှိနေပလီ
(နေပယ်)ကမ်းခြေစခန်းကဲ့သို့အလွန်သာယာသည်။ရှုခင်းလှသည်။ထို့ကြောင့်နေပလီဟုခေါ်တွင်ခဲ့သည်း
နောင်တွင်နေပလီ မှ ငပလီ ဖြစ်လာသည်ဟုဆိုသည်။
_____________________________________________________________________
ပင်းတယမြို့ဘာကြောင့်ကမ္ဘာကျော်နေတာလဲ ?

ရှမ်းပြည်နယ်(တောင်ပိုင်း)ပင်းတယမြို့သည် ဧရာဝတီမြစ်၏မြစ်လက်တက်ဖြစ်သော ဇော်ဂျီမြစ်တောင်
မှမြောက်သို့ဖြတ်သန်းစီးဆင်းသောမြစ်ဝှမ်း၌တည်ရှိသည်။ ပင်းတယမြို့၏အရှေ့ဘက်ပိုင်းတွင်ကုန်းမြင့်
လွင်ပြင်ကြီးဖြစ်လျက်ရှိသည်။ ပေ(၃၀၀၀)ကျော်မြင့်သည်။ အနောက်ပိုင်းတွင်လည်းပေ (၅၀၀၀)ကျော်
မြင့်သောတောင်တန်းကြီးရှိသည်။ပင်းတယမြို့သည်တောင်တန်းကြီး၏ခြေရင်းတွင်တည်ရှိသည်။အလွန်
ရှုခင်းလှသည်။ မြို့အ၀င်တွင်နာဂပတ္တန်၊ပုတ္တလုတ်ကန်ဟုခေါ်သော ပင်းတယကန်ကြီးရှိသည်။ ညောင်
ကြတ်ပင်တန်း၏အရိပ်အောက်၌တင့်တယ်စွာရှိသည်။ ပင်းတယမြို့အနောက်တောင်ဘက်ယွန်းယွန်း(၁)
မိုင်ခန့်အကွာတောင်စောင်းပေါ်တွင်စောင်းတန်းအသွယ်သွယ်ရွှေရောင်တ၀င်းဝင်းဖြင့်ရွှေဥမင်ဘုရားရှိ
သည်။ရွှေဥမင်ဘုရား၏ ကျောက်သားဥမင်ကြီးအတွင်း၌ဘုရားဆင်းတုတော်များလက်ညှိုးထိုးမ လွဲအောင်
များပြားသည်။
_____________________________________________________________________
ဘားအံဆိုတဲ့နာမည် ဘယ်ကရတာလဲ ?

ဘားအံမြို့သည်ကရင်ပြည်နယ်၏မြို့တော်ဖြစ်သည်။လွန်ခဲ့သောနှစ်ပေါင်း(၁၀၀၀)ကျော်ကသံလွင်မြစ် ကမ်းနဖူးတွင်စုစုပေါင်းအိမ်ခြေ (၂၀၀)ခန့်ရှိရွာလေးတစ်ရွာသာဖြစ်ခဲ့သည်။ ရွာကလေးတည်ရာသံလွင် မြစ်၏ကမ်းစွယ်တွင်အဓိကရ ကျောက်စွန်းကြီးတစ်ခုရှိသည်။
ထိုစွန်းကို ယိုးဒယား၊ ရှမ်းဘာသာဖြင့်ဖား
အမ်း(ကျောက်+အစွယ်)ဟုခေါ်ခဲ့သည်။ဖားအမ်းမှတစ်ဆင့်အသံအနည်းငယ်ပြောင်း၍ဘားအံဟုအမည်
တွင်လာသည်။ ၁၉၀၇ခုနှစ်တွင်မြို့ကွက်ရိုက်ခဲ့သည်။
ဘားအံမြို့နယ်တွင်ထင်ရှားသောတောင်သည်ဇွဲ
ကပင်တောင်ဖြစ်သည်။ဇွဲကပင်ဆုတောင်းပြည့်စေတီတော်တည်ထားသည်။ဘားအံမြို့မှသံလွင်မြစ်ညာ
ရှစ်မိုင်ခန့် အကွာကော့ဂွန်းတောင်၏အရှေ့ဘက်၌ကော့ဂွန်းဂူရှိသည်။
ဘားအံ၏အနောက်ဘက်(၁၂) မိုင်ကွာအရပ်၌ဘုရင်ဂျီဂူ(ဘုရင့်ညီဂူ)ရှိသည်။
ဂူ၏အောက်ခြေတွင်ရေပူစမ်းအိုင်ရှိသည်။ ရေပူစမ်း၊ရေ အေး
စမ်းနှစ်ခုယှဉ်လျက်စီးဆင်းလျက်ရှိသော်လည်းရေပူနှင့်ရေအေးပေါင်းစပ်ခြင်းမရှိကြောင်းတွေ့ရ
သည်။
_____________________________________________________________________
ရွှေစက်တော်ဘေးမဲ့တော ဘယ်မှာရှိသလဲ ?

ခရစ်မပေါ်မီ (၆၀၀)ခုနှစ်တွင်မြတ်စွာဘုရားခြေတော်ရာနှစ်ဆူကိန်းဝပ်စံပယ်ခဲ့၍ အထက်စက်တော်ရာ၊
အောက်စက်တော်ရာဟူ၍ထင်ရှားသည်။ ရွှေစက်တော်ဘေးမဲ့တောကို ၁၉၄၀ပြည့်နှစ်ဇွန်လ (၂၉)ရက်
တွင်စတင်တည်ထောင်ခဲ့သည်။ မင်းဘူး(စကု)မြို့နယ်၊ ငဖဲမြို့နယ်နှင့် စေတုတ္တရာမြို့နယ်များပါဝင်
တည်ရှိသည်။ ရွှေစက်တော်ဘေးမဲ့တောသည် (၃၁၄)စတုရန်းမိုင်ကျယ်ဝန်းသည်။ မြန်မာ့ရွှေသမင်ကို
အဓိကထိန်းသိမ်းထားသည်။ ငှက်အမျိုးပေါင်း (၁၁၃)မျိုးလည်းအခြားတိရစ္ဆာန်များနှင့် အတူကျက်စား
နေထိုင်သည်။ မြန်မာနိုင်ငံတွင်ရွှေစက်တော်ဘေးမဲ့တောအဖြစ် ခါကာဘိုရာဇီအမျိုးသားဥယျာဉ်၊ အင်း
တော်ကြီးဘေးမဲ့တော၊အင်းလေးဒေသ၊လန်ပိဘေးမဲ့တော၊မိန်းမလှကျွန်းဘေးမဲ့တော၊အလောင်းတော်
ကဿပအမျိုးသားဥယျာဉ်တို့လည်းအထူးထင်ရှားသည်။ မြန်မာနိုင်ငံတွင်အမျိုးသားဥယျာဉ်ခြောက်ခု၊
တောရိုင်းတိရစ္ဆာန်ဘေးမဲ့တော (၃၅)ခုရှိသည်။ တောင်ဥယျာဉ်အဖြစ် ပုပ္ပါးတောင်ဥယျာဉ်တစ်ခုသာရှိ
သည်။
_____________________________________________________________________
မီးသေတောင်ကြီးဘယ်မှာရှိသလဲ ?

ပုပ္ပါးတောင်သည်နတ်တောင်ဟူ၍လည်းကောင်း၊မီသေတောင်ဟူ၍လည်းကောင်းထင်းရှား
သည်။မန္တလေးတိုင်း၊မြင်းခြံခရိုင်အရှေ့ဘက်စွန်းတွင်ထီးထီးကြီးတည်ရှိနေသည်။ ပဲခူးရိုးမ
တောင်တန်း၏မြောက်ဘက်အစွန်းတွင်သီးခြားထိုးထွက်နေသောမီးတောင်ဟောင်းကြီးတစ်
ခုဖြစ်သည်။ ပင်လယ်ရေမျက်နှာပြင်အထက်(၄၉၈၁) ပေမြင့်သည်။ ပတ်ဝန်းကျင်၌တောင်
များမရှိပေ။ တစ်တောင်တည်း မီတောင်၏ထိပ်ခွက်ခွက်နှင့်ထိုးထွက်နေသည်။ မိုင်(၄၀)ခန့်
ဝေးသောဧရာဝတီမြစ်ပေါ်မှပင်မြင်နိုင်သည်။ အနောက်ဘက်သို့အနည်းငယ်ထွန်းလျက်နိမ့်
သည်။ တောင်ဘက်၊ အနောက်ဘက်နှင့်အရှေ့ဘက်တို့တွင်မြင့်မားသည်။ ပုပ္ပါးတောင်ကြီး
ကို အရပ်လေးမျက်နှာမှကြည့်လျှင် ပုံသဏ္ဍာန်လေးမျိုးဖြင့်မြင်နိုင်သည်။ မီးတောင်ထိပ်ဝ
(၃၀၀၀) ခန့်နက်ရှိုင်းသော ချောက်ကြီဖြစ်ပေါ်လျက်ရှိသည်။ ပုပ္ပါးမီးတောင်သည်တစ်ကြိမ်
သာ ပေါက်ကွဲခဲ့ပုံရသည်။ ပုပ္ပါးမြို့ကလေးသည် ချော်ကုန်းပြင်မြင့်ပေါ်၌တည်ထားခြင်းဖြစ်
သည်။
_____________________________________________________________________
ရှေးဟောင်းပျူမြို့တော်ကြီး ဘယ်မှာရှိသလဲ ?

သရေခေတ္တရာမြို့ဟောင်းသည်ပြည်မြို့အရှေ့တောင်ဘက်ငါးမိုင်အကွာတွင်ရှိသည်။ အုတ်မြို့ရိုးကိုကျုံးပတ်လည်
ဝိုင်းထားသည်။စက်ဝိုင်းပုံမကျတကျဖြစ်ပြီးတောင် မြောက်နှစ်မိုင်ခွဲ၊အရှေ့အနောက်နှစ်မိုင်ခန့်ကျယ်ဝန်းသည်။ပြည်
ပေါက်ခေါင်းသွားကားလမ်းကို မြောက်ဘက်မြို့ရိုးပေါ်မှဖြတ်လျက်တည်ဆောက်ထားသည်။ မှောဇာဘူတာသည်မြို့
ဟောင်း၏ဗဟိုနေရာအရှေ့မြောက်ဘက်ယွန်းယွန်းတွင်တည်ရှိသည်။ ပျူခေတ်ရှေးဟောင်းအဆောက်အအုံများနေ
ရာအနှံတွေ့မြင်နိုင်သည်။ မြို့ရိုးအလယ်ဗဟိုတွင် နန်းတော်ကုန်းနေရာရှိသည်။ စတုဂံအုတ်ရိုး ကာရံထားသည်။
တောင်ဘက်မြို့ရိုးအပြင်ဘက်၌အရှေ့ပျူတိုက်၊အနောက်ပျူတိုက်နှင့်ဗိဿနိုး သင်္ချိူင်းကျန်ရှိသေးသည်။



 ရတနာပုံ နေပြည်တော် သတင်းစာမှ ကူးယူဝေမျှပါသည်။

ဘာကြောင့်တိုင်းတစ်ပါးသို့.....

ပြည်တွင်း၊ ပြည်ပ မြန်မာရွှေ့ပြောင်း အလုပ်လုပ်သူများအကြား ရေကြည်ရာမြက်နုရာဟူသည့်စကားမှာ အလွန်ပင်အပြောများ သည်။ ပြည်ပတွင်သွားရောက်အလုပ်လုပ်ကိုင်ခြင်းကို အချို့က Braind Drain ဖြစ်သည်ဟုဆိုကြပြီး အချို့က Brain Gain ဖြစ် သည်ဟုဆိုကြသည်။ ထိုသို့ဆိုလျှင် Brain Gain ဖြစ်ရေး တိုင်းပြည်တွင် မည်ကဲ့သို့အခင်းအကျင်းမျိုး ရှိသင့်သနည်း။ ဘာကြောင့်ပြည်ပသို့ထွက်ပြီးအလုပ်လုပ်နေကြသနည်းဆိုသည်မှာ စဉ်းစားစရာဖြစ်လာသည်။
ဘာကြောင့်ထွက်…
ပြည်ပသို့အကြောင်းမျိုးစုံ၊ ရည်ရွယ်ချက်ကိုယ်စီဖြင့် အလုပ်သွားလုပ်ကြသည်။ စင်ကာပူေ၇ာက်နေသည်မှာ လေးနှစ်ခန့်ရှိပြီ ဖြစ်သည့် Drafter တဦးဖြစ်သူ အသက် 30 နှစ်အရွယ် ကိုနိုင်ဝင်းက မိမိအနာဂတ်ဘ၀ ဖြောင့်ဖြူးရေး၊ မိသားစုကို ထောက်ပံ့ နိုင်ရေး၊ ပညာဗဟုသုတရှာဖွေနိုင်ရန်နှင့် နိုင်ငံကြီးများမည်ကဲ့သို့ တိုးတက်ပြောင်းလဲလာသည်ကို လော့လာရန်အတွက်ဟု သူပြည်ပထွက်ခွာအလုပ်လုပ်ရသည့် ရည်ရွယ်ချက်ကိုပြောသည်။
ဆော်ဒီတွင် သူနာပြုဆရာမအဖြစ် လုပ်ကိုင်နေသည့် အသက် 25 နှစ်အရွယ် မအိမ်သူက ငွေကြေးနှင့် အတွေ့အကြုံအတွက် ထွက်လာခဲ့သည်ဟုဆိုသည်။ အားလုံးတူညီစွာပြောကြသည်မှာ ဘ၀ရပ်တည်မှုခိုင်မာရန်၊ လျှပ်စစ်အင်ဂျင်နီယာတစ်ဦးဖြစ်သည့် အသက် 28 နှစ်အရွယ် ကိုထိုက်မင်းကမူ သူပြည်ပထွက်ခွာရခြင်းရည်ရွယ်ချက်ကို “ပိုက်ဆံ“ ဟုတခွန်းထဲဖြေသည်။
ပြည်တွင်းတွင်လုပ်ခလစာနည်းပါးခြင်း၊ အလုပ်အကိုင်ရှားပါးခြင်းကြောင့် ပြည်ပထွက်ခွာအလုပ်လုပ်ကိုင်ရန်ဆုံးဖြတ်ကြခြင်းဖြစ် ကြောင်း၊ ပြည်ပတွင်သွားရောက်အလုပ်လုပ်ကိုင်သည့်လူငယ်များက ပြောဆိုကြသည်။ “လစာက တစ်သိန်း၊ တစ်သိန်းကျော် လေးပဲရတာ အလွန်ဆုံးလေ။ ကြာတော့အလုပ်လုပ်ရတာ ဘာမှ မထူးခြားဘူးလို့ခံစားရတယ်“ ဟုတချိန်တွင် ကိုယ်ပိုင် လုပ်ငန်းတစ်ခုထူထောင်ရန် စိတ်ကူးရှိသူ အသက် 27 နှစ်အရွယ် ကိုကျော်ဝင်း က ပြည်တွင်းတွင် အလုပ်လုပ်ကိုင် ရသည့် အခြေအနေကိုရှင်းပြသည်။
ပြည်တွင်းတွင် ပုံဆွဲအင်ဂျင်နီယာတစ်ဦး ဖြစ်တည်ရပ်တည်မှုသည် သူ့စိတ်ကူးဖြစ်သည့် ကိုယ်ပိုင်လုပ်ငန်းထူထောင်ရန်အတွက် အရင်းအနှီးများမပေးနိုင်။ စက်မှုအင်ဂျင်နီယာတစ်ဦးဖြစ်သည့် အသက် 25 နှစ်အရွယ် ကိုနေအေး၏မှတ်ချက်က “ဒီမှာ ဘ၀ လုံခြုံမှုရှိရင် ရိုက်ပြီးသွားခိုင်းရင်တောင်သွားကြမှာမဟုတ်ဘူး။ ဦးတည်ချက်အစုံ၊ ၇ည်ရွယ်ချက်အစုံဖြင့် နေ့စဉ်နှင့်အမျှ ပြည်ပ သို့မြန်မာများတဖွဲဖွဲထွက်ခွာနေကြသည်။ နေရာသစ်၊ ပတ်ဝန်းကျင်သစ်၊ အသိုင်းအ၀ိုင်းသစ်တွင် ဘ၀ကိုအသားကျအောင် ကြိုးစားကြရသည်။
ကြုံရဆုံရ ပြည်ပဘ၀
အရင်ဆုံးကြုံရတာက ဘာသာစကားနဲ့ယဉ်ကျေးမှု ဟု မအိမ်သူက ပြောပါတယ်။ ယဉ်ကျေးမှု ၊ ဓလေ့စရိုက် ၊ ဘာသာစကား၊ အရာအားလုံးမတူညီသည့် ဆော်ဒီတွင် လူနာများ၊ လုပ်ဖော်ကိုင်ဖက်များနှင့် ဆက်သွယ်ရာတွင် အခက်အခဲများစွာ ကြုံရသည် ဟုသူကဆိုသည်။ ဆော်ဒီကဲ့သို့အင်္ဂလိပ်စကားမပြောသည့် နိုင်ငံများတွင် သွားရောက်အလုပ်လုပ်ကိုင်သူများသည် ဘာသာ စကားပြသနာပြေလည်ရန် အင်္ဂလိပ်စကားပြောရသည့် နိုင်ငံတွင် အလုပ်လုပ်သူများထက် ပိုရုန်းကန်ကြရသည်။ မွန်ဘိုင်းတွင် တာဝန်ကျသည်မှာ 2 လခန့်ရှိပြီဖြစ်သည့် ကိုထိုက်မင်းက အိန္ဒိယအစားအစာများကို မစားနိုင်သည့်အတွက် ကြက်ဥနှင့်သာ နှစ်ပါးသွားနေရကြောင်း သူ့ဖြစ်အင်ကို မချိတင်ကဲပြောပြသည်။ သူတို့နှင့်တွေ့တိုင်း ပြောသည့်စကားက “ အိမ်ပြန်ချင်ပြီ “ ဖြစ်သည်။
ထို့ပြင် အလုပ်လုပ်ကိုင်သူများထံမှ အမြဲကြားနေရသည့်စကားမှာ “အနှိမ်ခံရခြင်း“။
ပြည်ပတွင်အလုပ်လုပ်ကိုင်သည့်အခါ အနှိမ်ခံ၇သည်မှာ အစဉ်အလာလိုဖြစ်နေပြီး လုပ်ငန်းခွင်တွင်ရော၊ ပတ်ဝန်းကျင်တွင်ပါ ခွဲခြားဆက်ဆံခံရသည်ဟု ပြည်ပတွင် အလုပ်လုပ်သူများက တညီတညွတ်တည်းဆိုသည်။
ထိုင်းနိုင်ငံတွင် စက်မှုအင်ဂျင်နီယာတစ်ဦးအဖြစ်လုပ်ကိုင်နေသည့် ကိုနေအေးက လေဆိပ်ရောက်ကတည်းကပင် ခွဲခြား ဆက်ဆံခြင်းခံရကြောင်းဆိုသည်။
ယခုရေနံကုမ္မဏီတွင်HR မန်နေဂျာလုပ်နေသူ အသက် 32 နှစ်အရွယ် ကိုဟိန်းစိုးသည် စင်ကာပူတွင် Work Permit ဖြင့် 3 နှစ် ကျော်လုပ်ကိုင်ခဲ့ပြီး ပြည်တွင်းတွင် ဘ၀အသစ်ပြန်စနေရသူဖြစ်သည်။ သူ့အဆိုအရ စင်ကာပူသည် မြန်မာမဟုတ်။ အခြားနိုင်ငံသားများဖြစ်သည့် ဖိလစ်ပိုင် ၊ မလေးရှားတို့ကိုလည်းနှိမ်ချဆက်ဆံတတ်ကြောင်း ၊ ယင်းနှင့်ပတ်သတ်ပြီး ကိုဟိန်းစိုး က “ အမူးသမားနဲ့ သူတောင်းစားသားသမီးကို ဘယ်ရပ်ကွက်ကမှ မလေးစားသလိုပဲ“ လို့ပြောပါတယ်။
အလုပ်တအားပင်ပန်းခြင်း၊ နွေးထွေးသည့် ပတ်ဝန်းကျင်မဟုတ်ခြင်း၊ ကိုယ့်ဘ၀နှင့်ကိုယ်လုံးချာလည်နေသည့်အတွက် တယောက်ကိုတယောက်မဖေးမနိုင်ခြင်း၊ အထီးကျန်ဆန်နေခြင်း၊ ခွဲခြားဆက်ဆံခံရခြင်း စသည့် ခံစားချက်မျိုးစုံကို ရင်ဆိုင်ရင်း တနေ့နေ့ဟူသည့် စိတ်ဖြင့် ၄င်းတို့အားခဲခရီးဆက်နေကြရသည်။
မည်ကဲ့သို့သော နိုင်ငံရေး၊ စီးပွားရေးအခင်းအကျင်းရှိလျှင် ပြည်တော်ပြန်အခြေချကြမည်နည်း။ Brain Gain ဖြစ်လာဖို့ နိုင်ငံတော်အနေနှင့် မည့်ကဲ့သို့အခင်းအကျင်းမျိုးဖန်တီးပေးသင့်သနည်း။
ဘယ်အခြေမှာတကယ်နေ
ကိုနိုင်ဝင်းက ပြည်ပရင်းနှီးမြှုပ်နှံမှုမြင့်လာပြီး တံခါးဖွင့်စီးပွားရေးစနစ်ကျင့်သုံးပြီဆိုလျှင် ပြန်လာမည်ဟု သူ့ဆန္ဒကိုဆိုသည်။
လက်ရှိအခြေအနေသည် အထူးစီးပွားေ၇းဖွံ့ဖြိုးမှုဇုန်များ၊ ရေနက်ဆိပ်ကမ်းစီမံချက်များကြောင့် ပြည်ပတွင် အလုပ်လုပ်နေသူများ ပြည်တွင်းတွင် လာရောက်အခြချရန် စိတ်ဝင်စားမှုရှိလာသည်ဟု ဆိုသည်။
ပြည်တွင်း NGO တစ်ခုတွင် အလုပ်လုပ်ကိုင်နေသည့် အသက် 25 နှစ်အရွယ် ကိုစိုင်းက ယခု လက်ရှိအကောင်အထည်ဖော်နေ သည့် အထူးစီးပွားရေးဇုန်များ၊ ရေနက်ဆိပ်ကမ်းစီမံချက်များတွင် ပြည်ပရောက်နေသည့် မြန်မာများ အလုပ်ပြန်လာလုပ်နိုင် အောင်၊ ရင်းနှီးမြှုပ်နှံနိုင်အောင် အခွင့်အလမ်းများဖန်တီးပေးသင့်သည်။ မိမိတိုင်းပြည်မှ အလုပ်သမားများ အခွင့်အရေးအပြည့် ရစေရန် နိုင်ငံတော်အပိုင်းက စဥ်းစားပေးသင့်သည်ဟုဆိုသည်။ ကိုထိုက်မင်းကမူ “ကိုယ့်အရည်အချင်းကို အသုံးချလို့ရတယ့် ကုမ္မဏီရှိရင်ပြန်လာမည်“ ဟုဆိုသည်။ ကိုကျော်ဝင်း၏ အိပ်မက်ကမူ ကိုယ်ပိုင်လုပ်ငန်းအသေးစားလေးတခုလုပ်နိုင်သည့် အခြေအနေမျိုးရောက်လျှင် ပြန်လာမည်။
ပြည်ပမှပြန်ရောက်ပြီးနောက်ပိုင်း အလုပ်လက်မဲ့ဘ၀၊ သုတေသနကုမ္မဏီတခု၏ interviewer ဘ၀၊ အလုပ်အကိုင်ရှာဖွေရေး အေဂျင်စီတခု၏ ၀န်ထမ်းဘ၀တို့ကိုဖြတ်သန်းပြီး လက်ရှိတွင် ရေနံကုမ္မဏီတခု၏ HR မန်နေဂျာလုပ်နေသော ကိုဟိန်းစိုးက ကိုယ်ပိုင်စီးပွားရေးလုပ်ချင်သူများကို ရင်းနှီးမြှုပ်နှံမှုအခွင့်အလမ်း၊ ၀န်ထမ်းလုပ်ချင်သူများအတွက် အလုပ်အကိုင်အခွင့်အလမ်း များ ဖန်တီးပေးနိုင်ရန်လိုအပ်ကြောင်း၊ ပြည်ပရောက်နေသူများသည် ပြည်တွင်း၏ အခြေအနေကိုအမြဲစောင့်ကြည့်လျက်ရှိသည်။ ကိုဟိန်းစိုးသည် စင်ကာပူတွင် 3 နှစ်ကျော်အလုပ်လုပ်ကိုင်ခဲ့ပြီး 2007 တွင်ပြန်ရောက်ကာ ဘ၀ကို 1 ကပြန်စခဲ့ရသူဖြစ်သည်။ သူက ထပ်လောင်းပြောကြားသည်မှာ “အလုပ်အကိုင်အခွင့်အလမ်းပေါ်ပြီဆိုတာနဲ့ ပြေးလာကြမှာပဲ“ ။ ထိုင်းနိုင်ငံ ချင်းမိုင် တက္ကသိုလ်တွင် စီးပွားရေးပညာသင်ယူနေသည့် အသက် 27 အရွယ် မယုမော်က “တံခါးတွေဖွင့်လိုက်ဖို့ပါပဲ။ ကျန်တာတွေက သူ့ဟာသူ တဖြည်းဖြည်းဖြစ်လာပါလိမ့်မယ်“ ဟုသူ့အမြင်ကိုပြောသည်။ သဘောင်္အင်ဂျင်နီယာတစ်ဦးဖြစ်သည့် ကိုမြတ်ငြိမ်းက “စားပွဲတွေ အများကြီးဖြတ်ရတဲ့စနစ်ကိုပြုပြင်ရမယ်။ မီးမှန်ရမယ်။ ဖုန်းဈေးပေါရမယ်။ ကားဈေးပေါရမယ်။“ ဟုသူ့ဆန္ဒကိုပြောပါ တယ်။ ကိုစိုင်းကတော့ ပြည်ပရောက်လူငယ်များပြည်တွင်ပြန်ဝင်လာဖို့ကို “လွှတ်တော်မှာ ဆွေးနွေးဖို့ အဆိုတင်သွင်းသင့် တယ်“ ဟု မှတ်ချက်ချသည်။
ထိုနေရာတွင် တခုစဉ်းစားဖို့လိုသည်က ပြည်တွင်းသို့လာရောက်အခြချမည့်သူများသည် မည်သို့ပြင်ဆင်လာသင့်သနည်း။ မည်သည့်အခက်အခဲများကို ရင်ဆိုင်ရနိုင်သနည်း။
ပြန်လာကြရာဝယ်
ပြည်ပတွင်အလုပ်လုပ်ကိုင်ပြီး ပြည်တွင်းတွင်အခြေချလုပ်ကိုင်မည်ဟူသောစိတ်ဖြင့် ပြန်လာသူများသည် ပြည်ပတွင် လုပ်ကိုင်ခဲ့ သည့်အလုပ်နှင့် ပြည်တွင်းတွင် အသုံးမချနိုင်ခြင်း၊ လုပ်ငန်းခွင်သဘောသဘာဝမတူခြင်း၊ မိမိတွင်ပါလာသည့် ငွေဖြင့် ရင်းနှီးမြှုပ် နှံရန်မလောက်ငခြင်း တို့ကြောင့် ပြည်တွင်းပြန်ေ၇ာက်သည့်အခါ ယောင်ချာချာဖြစ်တတ်သည်ဟု ပြည်ပမှ ပြန်လာသူ အချို့ ကဆိုကြသည်။
အထူးသဖြင့် ပြည်ပတွင် work permit ဖြင့်အလုပ်လုပ်ခဲ့သူများသည် ပြည်တွင်းပြန်ရောက်သောအခါ ယောင်ချာချာဖြစ်မှု ပိုများသည်။ ပြည်တွင်းဂျာနယ်တစောင်မှ သတင်းထောက်တဦးကမူ “လုပ်ငန်းအမျိုးအစားပေါ်မုတည်ပါလိမ့်မယ်“ ဟုမှတ်ချက် ပေးသည်။ work permit ဖြင့် အလုပ်လုပ်သူများ၊ S pass ဖြင့်အလုပ်လုပ်သူများ ပြည်တွင်းတွင်ပြန်အခြေချမှုကွာသကဲ့သို့ ပြည်ပတွင်လုပ်စဉ်က တဦးစီ၏ လေ့လာမှုရည်ရွယ်ချက်၊ ပြည်တွင်းတွင်ကျန်ခဲ့သည့် မိသားစု၏ အမြော်အမြင်ရှိမှုတို့ကလည်း အရေးကြီးသည်။ “ ဟိုကပို့သမျှ ဒီကဒိုင်ခံသုံးပေးထားလို့ကတော့ ပြန်လမ်းမရှိဘူး“ ဟုကိုဟိန်းစိုးက ဆိုသည်။
ပါမောက္ခဒေါက်တာအောင်ထွန်းသက်က မြန်မာနိုင်ငံငါးလုပ်ငန်းအဖွဲ့ချုပ်တွင် ကျင်းပသည့်ဟောပြောပွဲတခုတွင် ပြည်ပသို့သွား အလုပ်လုပ်သူ လူငယ်များနှင့်ပတ်သတ်ပြီး ပြည်ပတွင်းစားပွဲထိုးအလုပ်ကိုလုပ်ရလျှင်ပင် သူတို့၏ စားသောက်ဆိုင်လုပ်ငန်း သဘောသဘာဝကိုလေ့လာပြီး ပြည်တွင်းသို့ပြန်ရောက်သည့်အခါ စားသောက်ဆိုင်လုပ်ငန်းလုပ်ကိုင်ရန်ဟူသည့် ရည်မှန်းချက် ဖြင့် ကြိုးစားသင့်ကြောင်း ပြောသည်။
အချုပ်ဆိုရသော် အိမ်ပြန်ချင်နေကြသည့် ထိုလူငယ်များ အိမ်ပြန်လာနိုင်ရန်အတွက် ရေကြည်ရာမြက်နုရာအခြေအနေများ ဖန်တီး ပေးရန်လိုသည်။ ထိုကိစ္စကို လွှတ်တော်သို့အဆိုတင်သွင်းသင့်သည်ဟုလဲဆိုသည်။ ဗီယက်နမ်သည် နိုင်ငံသားများ အိမ် ပြန်လာရန်ကြိုးပမ်းရာတွင် နာမည်ကြီးခဲ့သည်။ ပန်းတို့သည် သင့်လျော်သည့် ရေ၊ မြေ၊ သဘာဝတွင်သာ ရှင်သန်ပွင့်ဖူးနိုင်ကြ သည်။ ယင်းရေခံ မြေခံအတွက် ဥယျာဉ်မှုးများသည်သာ အခရာ။……………….
(The Voice ဂျာနယ်မှ ဟန်ထက်၏ ဆောင်းပါးကောင်းကို ပြန်လည်မျှဝေပါသည်။)

အမေ

အမေ… ဘာကြောင့် အကြာကြီး ကျွန်မစောင့်ခိုင်းရက်ခဲ့သလဲ? အမေ တကယ်ကို အိုစာသွားခဲ့ပါပြီ.. ကလေးငယ်တစ်ယောက်လို ချွဲနွဲ့တဲ့အထိ အိုစာသွားခဲ့ပါတယ်။ ဖုန်းဆက်တိုင်း မျှော်လင့်ချက်အပြည့်နဲ့ ကျွန်မကို အမေမေးတတ်တယ်။ "သမီး .. ဘယ်တော့ အိမ်ပြန်ခဲ့မလဲ?" မိုင်ပေါင်းထောင်ကျော်ဝေးတဲ့အမေ့အိမ်ကို ကားသုံးဆင့်စီးပြီးမှ ရောက်တာကိုမဆိုထားနဲ့ အလုပ်တစ်ဘက်၊ ကလေးတစ်ဘက်နဲ့ အမေ့အိမ်ပြန်ဖို့ ကျွန်မအချိန်မပေးနိုင်ခဲ့ဘူး။ နားသိပ်မကောင်းတော့တဲ့အမေကို ကျွန်မအထပ်ထပ်ရှင်းပြခဲ့ပေမယ့် အမေက တောင့်တစွာနဲ့မေးတုန်းပါပဲ။ "သမီး ... ဘယ်တော့ အိမ်ပြန်နိုင်မလဲဟင်?" အထပ်ထပ်မေးတဲ့ အမေကို စိတ်မရှည်စွာနဲ့ ကျွန်မအော်မိခဲ့ရင် အမေက တအင်း..အင်း သဘောပေါက်ဟန်နဲ့ ဖုန်းကို အသာချလိုက်တတ်တယ်။ ဒါပေမယ့် ရက်သိပ်မကြာခင်မှာ အမေကဖုန်းဆက်ပြီး အဲဒီမေးခွန်းကိုပဲ ထပ်မေးတတ်ပြန်တယ်။ အလိုမကျတဲ့ ကလေးငယ်တစ်ယောက်လို မေးရင်လည်း အချည်းနှီးပဲဆိုတာသိပေမယ့် ထပ်သလဲလဲ မေးနေတဲ့ အမေကြောင့် ကျွန်မစိတ်တွေပျော့သွားပြီး သက်ပြင်းကို မသိမသာချမိတယ်။ ကျွန်မ မအော်မငေါက်မှန်းသိတော့ အမေက ဝမ်းသာအားရထပ်ပြောတယ်။ “ခြံနောက်က သလဲသီးတွေ အပွင့်ပွင့်နေပြီ၊ ဖရဲသီးတွေ မှည့်တော့မယ်၊ သမီး.... အမြန်ပြန်ခဲ့ပါ” “အလုပ်တွေ ဒီလောက်ရှုပ်နေတာ အမေရာ.. ကျွန်မ ခွင့်ရနိုင်မှာမဟုတ်ဘူး” “အမေ ကင်ဆာဖြစ်နေတယ်။ နှစ်ဝက်လောက်ပဲ အသက်ရှင်တော့မယ်လို့ ပြောလိုက်လေ” အမေရဲ့အပြောကို ကျွန်မဝင်ဟန့်တော့ အမေက တစ်ခစ်..ခစ်နဲ့ သဘောကျရယ်မောနေခဲ့တယ်။ ငယ်ငယ်တုန်းက မိုးရွာ၊ လေကြီးလာတဲ့အချိန် ကျောင်းမတက်ချင်လို့ ဗိုက်နာချင်ဟန်ဆောင်တတ်တဲ့ ကျွန်မကို အမေက ဆူဆဲတတ်တယ်။ အခုတော့ အသက်ကြီး အိုမင်းသွားတဲ့အမေက ကျွန်မကို လိမ်ညာပြောဖို့ သင်ပေးနေခဲ့တယ်။ ကျွန်မနဲ့အမေကြားမှာ ဒီလိုမေးခွန်းတွေက ထပ်သလဲလဲဖြစ်နေခဲ့တယ်။ ဒီလိုမေးခွန်းကို ကျွန်မ မကြားရက်တော့လို့ နောက်လမှာ ပြန်ခဲ့ဖို့ပြောတော့ အမေခမျာ ဝမ်းသာလွန်းလို့ တံတွေးတောင်သီးခဲ့တယ်။ ဒါပေမယ့် ဘာကြောင့်မှန်းမသိ အမြဲမပြီးပြတ်နိုင်တဲ့ အလုပ်တွေက အိမ်ပြန်ဖို့ထက် အရေးကြီးနေခဲ့လို့ နောက်ဆုံးမှာ ကျွန်မ အိမ်မပြန်နိုင်ဖြစ်ခဲ့တယ်။ ဖုန်းရဲ့ တစ်ခြားတစ်ဘက်မှာ အမေရဲ့ စကားသံတွေ တိတ်ဆိတ်နေခဲ့တယ်။ “အမေ… သမီးကို စိတ်ဆိုးနေတာလား?” အားနာနာနဲ့ ကျွန်မကဆိုတော့ အမေက ပျာပျာသလဲ ပြန်ပြောတယ်။ “စိတ်မဆိုးပါဘူး သမီး.. အမေ စိတ်မဆိုးဘူး။ သမီးလုပ်စရာရှိတာလုပ်ပါ” ရက်သိပ်မကြာဘဲ အမေ့ဆီက အရေးတကြီးဖုန်းလာပြန်တယ်။ စပျစ်သီးတွေ၊ သစ်တော်သီးတွေမှည့်လို့ ကျွန်မကို အမြန်ပြန်လာစားဖို့ ပြောပါတယ်။ အဲဒီလိုအသီးတွေက ဘာမှမဟုတ်ကြောင်း၊ ဈေးတိုင်းမှာ ၅ကျပ် ၁ဝနဲ့ ဝယ်စားနိုင်ကြောင်း ကျွန်မပြောတော့ အမေက သိပ်ဘဝင်မကျဘူး။ ကျွန်မက အမေကို ချော့မော့ပြီး “မြို့ပေါ်က အသီးတွေမြေသြဇာများတယ်၊ ပိုးသတ်ဆေးများတယ်။ အမေ့အသီးလောက် မချိုဘူး” လို့ ပြောတော့ အမေက သဘောကျစွာ ရယ်မောပြန်တယ်။ စနေနေ့ ရုံးပိတ်ရက်မှာ နေအပူရှိန်က ပြင်းအားကောင်းနေခဲ့တယ်။ အိမ်ပြင်မထွက်ရဲလို့ အိမ်ထဲမှာ လေအေးစက်နဲ့ ကျွန်မနေခဲ့တယ်။ သမီးငယ်က ကိတ်မုန့်စားဖို့ အတင်းပူဆာလို့ အိမ်ပြင်ကို မထွက်မနေ ကျွန်မထွက်ခဲ့ရတယ်။ အပူငွေ့တွေ တရိပ်ရိပ်တက်နေတဲ့ လမ်းမထက်မှာ အမေရဲ့ နောက်ကျောအရိပ်ကို ကျွန်မတွေ့လိုက်မိတယ်။ ကြည့်ရတာ ကားပေါ်က အခုမှ အမေဆင်းလာတာဖြစ်မယ်။ လက်မှာ ဆွဲခြင်းတစ်လုံးအပြင် ကျောမှာ ခပ်လေးလေးအိတ်တစ်လုံးကို အမေလွယ်ပိုးထားတယ်။ လွယ်ပိုးထားတဲ့အရာတွေကို လူတွေတိုက်မိမှာစိုးလို့ထင်တယ်.. ခါးကိုကွေးညွှတ်ပြီး လမ်းပေါ်က လူတွေကို အမေကွေ့ရှောင်နေခဲ့တယ်။ လူတွေကြားထဲမှာ အမေလှမ်းလိုက်တဲ့ ခြေလှမ်းတိုင်းက အားပါနေခဲ့တယ်။ ကျွန်မရဲ့ခေါ်သံကြောင့် အမေခေါင်းထောင်ပြီး လူအုပ်ကြားထဲမှာ ကျီးကန်းတောင်းမှောက်လိုက်ရှာတယ်။ ကျွန်မကိုတွေ့တော့ အမေက ရယ်ပြတယ်။ ဝမ်းသာလွန်းလို့ထင်တယ် အမေ့ဆီက ဘာသံမှထွက်မလာခဲ့ပါဘူး။ အိမ်ပြန်ရောက်တော့ အမေကပါသမျှ အရာတွေကို ဝမ်းသာအားရထုတ်ပေးတယ်။ အမေရဲ့ လက်ဖမိုးမှာ သွေးစွန်းနေတဲ့ ပလာစတာနဲ့ ဒဏ်ရာတချို့ကို ကျွန်မတွေ့လိုက်တယ်။ အမေက ကျွန်မကို ပြုံးပြပြီး “စား.. သမီး.. စား.. ဒါတွေအားလုံး အမေကိုယ်တိုင် ခူးခဲ့တာ” ခရီးဝေးမသွားခဲ့ဖူးတဲ့အမေ ကျွန်မရဲ့စကားတစ်ခွန်းကြောင့် မိုင်ထောင်ပေါင်းများစွာကနေ ကျွန်မဆီအရောက် လာခဲ့တယ်။ အမေစီးခဲ့တာက ဈေးအချိုဆုံးနဲ့ လေအေးစက်မပါတဲ့ကား၊ ကျပ်ညပ်နေတဲ့ ကားပေါ်မှာ စပျစ်သီး၊ သစ်တော်သီးတွေ မပွန်းမပဲ့ဖို့ အမေဘယ်လို ယူခဲ့သလဲ၊ ကားကို အမေဘယ်လိုစီးခဲ့တယ်၊ အသီးတွေကို ဘယ်လိုကာကွယ်ခဲ့တယ်ဆိုတာကို ကျွန်မ မတွေးရက်ခဲ့ဘူး။ ကျွန်မသိတာတစ်ခုက ကမ္ဘာပေါ်မှာ အမေရှိတဲ့နေရာတိုင်း ထူးဆန်းမှုတွေရှိနေတယ်ဆိုတာပါပဲ။ ကျွန်မနဲ့ (၃)ရက်ပဲ အမေနေခဲ့တယ်။ နေဝင်နေထွက် အလုပ်သွားတဲ့အပြင် သားသမီးတွေကို စောင့်ထိန်းရတဲ့ကျွန်မ ပင်ပန်းမှာ စိုးလို့ပါတဲ့… ကျွန်မကို သူဘာမှမကူညီနိုင်ခဲ့သလို မီးဖိုချောင်က ခေတ်မီအသုံးအဆောင်တွေ သူ့ကြောင့်ပျက်ဆီးမှာစိုးလို့ မကိုင်တွယ်ရဲခဲ့ဘူး။ ကျွန်မ မသိအောင် ကားလက်မှတ်ဝယ်ပြီး အမေ တိတ်တိတ်လေး ထွက်သွားခဲ့တယ်။ အိမ်ပြန်ပြီး တစ်ပတ်အကြာမှာ ကျွန်မကို အမေလွမ်းပြန်တယ်။ ကျွန်မကို အိမ်ပြန်ခဲ့ဖို့ အမေတောင်းဆိုပြန်တယ်။ “အမေ.. ခဏလောက်တော့ သည်းခံစောင့်နော်” အမေ့ကိုနှစ်သိမ့်ပြီး နောက်တစ်ရက်မှာ အမေ့ညီမဆီက ဖုန်းရတယ်။ “သမီးအမေနေမကောင်းဘူး… အမြန်ပြန်ခဲ့ပါ” အဒေါ်ရဲ့စကားက ကျွန်မကို ပျာယာခတ်သွားစေတယ်။ ငိုငိုယိုယိုနဲ့ ကားဂိတ်ပြေးပြီး နောက်ဆုံးထွက်တဲ့ကားနဲ့ အမေ့အိမ်ကို ကျွန်မပြန်ခဲ့တယ်။ လမ်းတစ်လျှောက်လုံး ကျွန်မဆုတောင်းမေတ္တာပို့သနေမိတယ်။ ဒီတစ်ခေါက်လည်း ကျွန်မကို အမေလိမ်ညာတာဖြစ်ပါစေ၊ အမေနေကောင်းပါစေ… တဗျစ်တောက်တောက် အမေပြောတဲ့စကားကို ကျွန်မ နားထောင်ချင်သေးတယ် အမေချက်တဲ့ ဟင်းတွေအားလုံး ကျွန်မကုန်အောင်စားချင်သေးတယ် အလုပ်က ခွင့်ယူပြီး အမေ့ဆီ ကျွန်မပြန်ခဲ့ချင်သေးတယ်။ လူတွေဟာ အသက်(၈ဝ)အထိ အသက်ရှင်နေလည်း မိခင်ဆိုတာ လိုအပ်ကြောင်း အခုမှ ကျွန်မနားလည်ခဲ့တယ်။ ရွာဝမှာ ကားဆိုက်တော့ အမေက အပြေးလာကြိုတယ်။ အမေ့ကိုပြေးဖက်ပြီး ကျွန်မငိုမိ၊ ရယ်မိတယ်။ “အမေ ဘာပြောပြောကောင်းတယ်။ ဒါပေမယ့် ကိုယ့်ကိုယ် အသည်းအသန်ဖြစ်နေတယ်လို့တော့ မပြောပါနဲ့ အမေ” ကျွန်မရဲ့ မကျေမနပ်စကားကို ကြားပေမယ့် အမေက ကျွန်မကိုပြုံးရယ်ပြီး ကြည့်နေခဲ့တယ်။ အိမ်ထဲဝင်လိုက် အိမ်ပြင်ထွက်လိုက်နဲ့ အမေကြည့်ရတာ မပင်ပန်းဘဲ ပျော်နေပုံရတယ်။ စားပွဲခုံပေါ် စားစရာတွေ တည်ခင်းပြီး ကျွန်မချီးကျူးတာကိုခံဖို့ အမေစောင့်နေခဲ့တယ်။ “ပဲက တူးသွားပြီ၊ ဖက်ထုပ်အခွံက ထူလွန်းတယ်၊ အသားက ငန်လိုက်တာ” အားမနာတမ်း ကျွန်မဝေဖန်တော့ ပြုံးနေတဲ့အမေ့မျက်နှာက အားနာတဲ့ဘက်ကို ပြောင်းသွားပြီး မသိမသာနဲ့ ခေါင်းငုံ့နေခဲ့တယ်။ စိတ်ထဲကနေ ကျွန်မတိတ်တိတ်လေး ခိုးရယ်နေခဲ့မိတယ်။ သူချက်ထားတဲ့ အစားအစာတွေ စားကောင်းကြောင်း ချီးကျူးရင် ကျွန်မကို အဆမတန် အမေစားခိုင်းတော့မယ်ဆိုတာကို ကျွန်မသိနေတယ်။ ကျွန်မပြန်ချိန်မှာလည်း အများကြီး ထည့်ပေးလိုက်တော့မယ်ဆိုတာကို သိနေတယ်။ အမေအတွက် ကျွန်မချက်ပြုတ်ချိန်၊ သူနဲ့စကားစမြည်ပြောချိန်မှာ အမေက ကျွန်မကိုပဲ ငေးကြည့်နေတတ်တယ်။ သူ့အကြည့်တွေထဲမှာ ကရုဏာတွေ၊ ချစ်မေတ္တာတွေပါနေခဲ့တယ်။ ကျွန်မဘာပြောပြော ပါးစပ်လေးဟ၊ နားလေးစွင့်ပြီး အမေ ဂရုတစိုက်နားထောင်တယ်။ ကျွန်မအိပ်တဲ့အချိန်မှာတောင် ကုတင်ဘေးမှာထိုင်ပြီး ကျွန်မကို ပြုံးကြည့်နေခဲ့တယ်။ “သမီးကို အမေဒီလောက်ချစ်တာ.. ဘာဖြစ်လို့ သမီးနဲ့အတူ လိုက်မနေတာလဲ အမေ” “မြို့ပေါ်မှာ တိုက်ကြီးတွေနဲ့ အမေ မနေတတ်ဘူး သမီးရယ်” အမေ့အိမ်မှာ ရက်ကြာကြာမနေဘဲ အလျင်စလို ကျွန်မပြန်မယ်လုပ်တော့ အမေက နောက်ထပ်တစ်ရက် ထပ်နေဖို့ လိုလိုလားလား တောင်းဆိုပါတယ်။ ရွာနဲ့မိုင်အတော်ဝေးတဲ့ နေရပ်ဆီကို လူလွတ်ပြီး ဈေးဝယ်ထားခိုင်းကြောင်း၊ ကျွန်မကြိုက်တတ်တဲ့ အစားအစာတွေ ကိုယ်တိုင်ချက်ကျွေးဖို့ အမေပြင်ဆင်ထားကြောင်း ပြောတယ်။ အဒေါ့်အိမ်ကနေ ကျွန်မပြန်လာတော့ အမေက စားစရာတွေ စားပွဲခုံအပြည့်နဲ့ ကျွန်မကိုစောင့်နေခဲ့တယ်။ စားပွဲပေါ်က ဟင်းတွေကိုကြည့်ပြီး ကျွန်မ တုန်လှုပ်မိတယ်။ ငါးဟင်းက ငါးကြေးခွံတွေ မပြောင်ဘူး။ ကြက်သားပေါ်မှာ အမွေးတွေ မစင်ဘူး။ မှိုဟင်းထဲမှာလည်း ဆံပင်မွေးတွေနဲ့ ဟင်းတိုင်းက မထိမတို့ရဲလောက်အောင်ပါပဲ။ နုပျိုစဉ်က အမေဟာ အသန့်အလွန်ကြိုက်သူပါ။ ခုတော့ အိုစာလွန်းလို့ အသန့်၊ မသန့်တောင် အမေ မခွဲခြားနိုင်တော့ဘူး။ ဟိုမွှေဒီမွှေနဲ့ ကျွန်မအားရပါးရ စားတာကိုမတွေ့တော့ အမေက မသိမသာသက်ပြင်းချတယ်။ နောက်ပြီး ကျွန်မကို ညကားနဲ့ ပြန်ဖို့ စီစဉ်ပေးခဲ့တယ်။ ညမှောင်နက်နက်မှာ အမေက ကျွန်မလက်ကိုတွဲပြီး တောလမ်း၊ ရွံ့လမ်းတွေမှာသွားရတာ ကျွန်မ ကျင့်သားမရမှာစိုးလို့ဆိုပြီး ကားပေါ်အထိလိုက်ပို့ခဲ့တယ်။ ကျွန်မကို ဟိုမှာ၊ ဒီမှာနဲ့ ကားထွက်ခါနီးမှ ကားပေါ်က အမေဆင်းတယ်။ ကားပေါ်က အမေအဆင်းမှာ တံခါးနဲ့အင်္ကျီချိတ်မိပြီး အမေ ဟပ်ထိုးလဲတယ်။ ကားပြတင်းပေါက်ကနေ သတိထားဖို့ လှမ်းအော်တဲ့ကျွန်မ အသံကို အမေမကြားခဲ့ဘူး။ တရွေ့ရွေ့ ထွက်သွားတဲ့ ကားနောက်အမေအပြေးလိုက်ရင်း “သမီး.. သမီးကို အမေစိတ်မဆိုးဘူး.. သမီးအလုပ်များနေတယ်ဆိုတာ အမေသိတယ်” လို့ အော်တယ်။ ဒီတစ်ခေါက် အမေအိမ်ကျွန်မပြန်ခဲ့တာကို အမေအားရကျေနပ်သွားပုံရတယ်။ ကျွန်မကို အိမ်ပြန်ခဲ့ဖို့ အမေထပ်မပြောခဲ့တော့ဘူး။ ဒါပေမယ့် အိမ်ကပျော်စရာသတင်းတွေပဲ ကျွန်မကို အမေပြောပြတတ်တယ်။ “အိမ်မှာ လိမ္မာတဲ့နွားလေးတစ်ကောင် ထပ်တိုးတယ်။ နောက်နှစ်နွေဦးရောက်ရင် ခြံထဲမှာ အမေပန်းအပြည့်စိုက်မယ်” အမေ့စကားတွေက ကျွန်မရင်ကိုနွေးထွေးစေခဲ့တယ်။ နှစ်ကုန်ခါနီးမှာ အမေ့ညီမရဲ့ ဖုန်းကို ကျွန်မရခဲ့ပြန်တယ်။ “သမီးအမေနေမကောင်းဘူး… အမြန်ပြန်ခဲ့ပါ” ဒီတစ်ခေါက်တော့ ကျွန်မ မယုံတော့ဘူး။ ရှေ့ရက်ကမှ အမေနဲ့ကျွန်မ ဖုန်းပြောခဲ့သေးတယ်။ သူနေကောင်းကြောင်း၊ သူ့ကိုစိတ်မပူဖို့ ပြောခဲ့သေးတယ်။ ဒါပေမယ့် အိမ်ပြန်ခဲ့ဖို့ အဒေါ်က ကျွန်မကို လောနေခဲ့လို့ အမေကြိုက်တတ်တဲ့ ကိတ်မုန့်ဝယ်ပြီး မယုံတစ်ဝက်၊ ယုံတစ်ဝက်နဲ့ ရွာကိုကျွန်မပြန်ခဲ့တယ်။ ရွာရောက်တော့ အဒေါ်က လည်ပင်းရှည်ကြီးနဲ့ ကျွန်မကိုမျှော်နေတယ်။ အမေလာကြိုတာကို မတွေ့တော့ မကောင်းတဲ့နိမိတ်က ကျွန်မရင်ထဲ ရုတ်တရက်တိုးဝင်လာခဲ့တယ်။ ကျွန်မကို အကြောင်းကြားချိန်တည်းက အမေမရှိတော့ကြောင်း၊ စိတ်ချလက်ချနဲ့ သူထွက်ခွာသွားကြောင်း အဒေါ်က ကျွန်မကို ပြောပြတယ်။ လွန်ခဲ့တဲ့နှစ်ဝက်က အမေမှာ ကင်ဆာရောဂါရှိကြောင်း စစ်ဆေးတွေ့ခဲ့တယ်လို့ ဆိုပါတယ်။ ဒါကို အမေက ဘယ်သူ့ကိုမှ မပြောဘဲ ခါတိုင်းလို အလုပ်တွေလုပ်ရင်း ဘာမှမဖြစ်သလို နေခဲ့တယ်။ အရာအားလုံးကို အစဉ်တကျ စီစဉ်ဆောင်ရွက်ခဲ့တယ်။ အမေ့မှာ မျက်စိတိမ်စွဲနေကြောင်း၊ အရာဝတ္ထုတွေကို ကောင်းစွာမမြင်နိုင်ကြောင်း အဒေါ်က ကျွန်မကိုပြောပြပြန်တယ်။ အမေ့အတွက် ကိတ်မုန့်ကို ရင်ဝမှာထားပြီး ကျွန်မတင်းတင်းလေး ဖက်ထားမိတယ်။ ကျွန်မရင်တစ်ခုလုံး ဟာနေခဲ့တယ်။ အမေက သူ့အတွက် အသက်ရှင်ဖို့ရက်သိပ်မကျန်ကြောင်းသိလို့ ကျွန်မကို မကြာခဏ ဖုန်းဆက်ပြီး ပြန်ခိုင်းခဲ့ပုံရတယ်။ ကျွန်မကို မြင်ရဖို့၊ ကျွန်မနဲ့ စကားတွေပြောရဖို့အတွက် ကျွန်မကို အိမ်ပြန်ခိုင်းခဲ့တယ်။ ကျွန်မ မစားရဲ၊ ချေးများခဲ့တဲ့ မသန့်မရှင်း အမေရဲ့ ဟင်းတွေကလည်း အမေအမြင်တွေ မှုန်ဝါးခဲ့လို့ဖြစ်တယ်။ ကျွန်မကို ကားဂိတ်လိုက်ပို့ခဲ့တဲ့ညက အိမ်အပြန်လမ်းမှာ အမေချော်လဲခဲ့မလား? နမော်နမဲ့နိုင်လွန်းတဲ့ ကျွန်မ ဘယ်တော့မှ သိနိုင်ခဲ့တော့မှာ မဟုတ်ပါဘူး။ အမေ… လူ့ဘဝထဲကနေ နောက်ဆုံး ခွဲထွက်သွားမယ့်အချိန်မှာတောင် မီးခိုးခေါင်းတိုင်ဟောင်းမှာ (Petunia) ခေါင်းလောင်းနွှယ်ပန်းတွေ ပန်းပွင့်နေပြီဆိုတဲ့အကြောင်း ကျွန်မကို အားရဝမ်းသာပြောသွားခဲ့တယ်။ ကျွန်မငယ်ငယ်ကဝတ်ခဲ့တဲ့ ခရမ်းရောင်အင်္ကျီလို ပဲခင်းကပန်းတွေ ပွင့်နေတဲ့အကြောင်း ပြောသွားခဲ့တယ်။ အမေက အချစ်တွေ၊ နွေးထွေးမှုတွေကို ချန်ထားခဲ့ပြီး လူ့ဘဝထဲကနေ ဆိတ်ဆိတ်ငြိမ်ငြိမ် ထွက်သွားခဲ့ပါတယ်။ ဒီလောကမှာ ကျွန်မကို စိတ်မဆိုးတတ်တဲ့ တစ်ဦးတည်းသောသူဟာ အမေပါ… ဒီလောကမှာ ကျွန်မအပြန်ကို အမြဲစောင့်ကြိုနေတတ်တဲ့ တစ်ဦးတည်းသောသူဟာ အမေပါ.. အမေရဲ့မေတ္တာ၊ အမေရဲ့ချစ်ခြင်းကြောင့် အမေ့ကိုဒီလောက်အကြာကြီး ကျွန်မစောင့်ခိုင်းရဲခဲ့တာပါ အမေ…. ဒီနေ.အမေ.ကိုအရမ်းလွမ်းလို.မေးထဲကဟာကိုဖတ်ရင်းနဲ.တင်လိုက်တာ...

အ.ထ.က(၁)မအူပင်မြို့ တွင်ဆွမ်းဆန်စိမ်းလောင်းလှုပွဲနှင့်ပဒေသာပင်လှည့်လည်ခြင်း ကျင်းပ

၈၊၁၁၊၂၀၁၁နေ့ကမအူပင်မြို့အ.ထ.က(၁)ကျောင်းတွင်
ဆွမ်းဆန်စိမ်းလောင်းလှုပွဲနှင့် ပဒေသာပင် လှည့်လည်ခြင်း
ကျင်းပခဲ့ရာ
နနက်(၆)နာရီခွဲခန့်တွင်အတန်းအသီးသီးရှိကျောင်းသား/သူများသည်မိမိတို့သက်ဆိုင်ရာပဒေသာပင်များကို စီတန်းလှည့်လည်ခဲ့သည်။
လှည့်လည်ရာတွင်ကျောင်းလမ်းမှရေလဲလမ်းနောက်(၁၀)လမ်းကိုပတ်ပြီးပေါ်တော်မူမှကမ်းနားလမ်းအတိ်ုင်း
ပန်းခြံရှေ့မှပြန်ပတ်ကာဘုရား
လမ်းမှကျောင်းလမ်းကိုပြန်ဝင်ကာအ.ထ.က(၁)ကျောင်းသို့ဝင်ရောက်ခဲ့သည်။
ထို့နောက်နေ့လည်၂နာရီလောက်တွင်မအူပင်မြို့နယ်အတွင်းရှိဘုန်းကြီးကျောင်းများမှသံဃာတော်များကို
ဆွမ်းဆန်စိမ်းလောင်းလှုခဲ့သည်။
ကျောင်းတိုင်ဘုန်းကြီးများမှမဲနှိုက်ပြီးကျရာအတန်းရှိပဒေသာပင်များကိုလက်ခံခဲ့သည်။
ကျောင်းသား/သူများကလဲမိမိတို့အတန်းပေါ်က်သောကျောင်းများသို့အားတတ်သရောလက်လံပို့ကြသည်။
ကျွန်တော်တို့နဝမတန်း(က)တန်ဖိုးငွေကျပ်(၂၅၀၀၀၀)ရှိပဒေသာပင်နှစ်ပင်လှုဒါန်းရာတစ်ပင်ကိုဒေါင်ကြီးကျောင်းမှပေါက်ပြီး ကျန်တစ်ပင်ကိုမြို့လည်ကျောင်းမှပေါက်သည်။ထို့ကြောင့်ကျွန်တော်တို့သည်ပေါ်က်ရာကျောင်းသို့လိုက်ပို့
ကြပါသည်။
ကျွန်တော်တို့အတန်းအတွက်ထော်လာဂျီ(၄)စီးငှားကာလှည့်ခဲ့ကြပါသည်။
ကျွန်တော်တို့ယောင်္ကျားလေးများအတွက်(၂)စီး/မိန်းကလေးအတွက်(၂)စီး
အသီးသီးလှည့်လည်ခဲ့ကြပါသည်။လမ်းတစ်လျှောက်အချင်းချင်းပျော်ရွှင်စွာသွားလာခဲ့ကြပါသည်။
ဂျီတီစီ၊မအူပင်တက္ကသိုလ်၊ပေါ်တော်မူတို့ကိုပတ်ပြီး
အ.ထ.က(၁)ကျောင်းအတွင်းသို့ညနေ(၆)နာရီတွင်ဝင်ရောက်ခဲ့ကြသည်။
ထို့နောက်ကျွန်တော်တို့အတန်းပိုင်ဆရာမဒေါ်အေးအေးမာ မှအတန်းထဲတွင်လူစစ်ကာလူပြည့်မှပြန်လွှတ်ခဲ့သည်။                  
                                                                                                   လင်းလက်